تورتة الايس كريم "sooooo yummy"

المقادير..

2 كيس كريم شانتيه
2
علبة بودرة آيس كريم فانيللا
4ملاعق كاكاو كبيرة
2و 3/2كوب حليب
مثلج
2 باكو بسكويت سادة او اكتر زي ماتحب
1كوب حليب محلى بالسكر و
الكاكاو ساخن
قطع شيكولاته مبشوره "غامقه او فاتحه حسب الرغبه" ومكسرات
للتحليه و قد يضاف اى نوع من الفواكه المحببه

الطريقة..

يرص
البسكويت السادة في صينية مقاس 24
ممكن طبقة او اتنين و بلاش تلاتة
عشان ماتنشفش
بعد كدة نسقي البسكويت بالحليب اللي بالكاكاو الساخن..
و
نستنى شوية و بعدين نحط الصينية في الفريزر..
و بعد ساعة
نضرب الايس
كريم البودرة مع كوب و 3/2 حليب مثلج
نضربهم مع بعض لحد مايحصل تماسك..
اصبر و ماتستعجلش هياخد وقت شوية ..
و بعدين نحط الايس كريم على
البسكويت اللي في الصينية
سيبهم في الفريزير 3 ساعات
و بعد كدة..
نجيب
كوب لبن مثلج و نضرب الكريم شانتيه و ال4 ملاعق كاكاو معاه..
و نضربهم
كويس لحد مايحصل تماسك برضه..
و بعدين نطلع الصينية و ندهن الايس كريم
المتماسك بالكريم شانتيه..
و نرش الشيكولاتة المبشورة على وجه الصينية و
المكسرات لو حابين..
و بعد كدة تترك في الفريزر لمدة ساعة
ثم تقطع
عادي جداً بالسكين..
و هتلاقوا شكلها جميل و طعمها أجمل..

و ألف
هنا و شفا